Ym mis Rhagfyr 2019, cafodd Sarah ei hethol i gynrychioli Wrecsam ‒ y Ceidwadwr cyntaf i gynrychioli'r etholaeth ers iddi gael ei chreu yn 1918, gan drosi mwyafrif Llafur o 1,832 yn fwyafrif o 2,131 i'r Ceidwadwyr. Sarah yw'r fenyw gyntaf i gynrychioli Wrecsam a'r AS Ceidwadol benywaidd cyntaf i gael ei hethol i San Steffan i gynrychioli etholaeth Gymreig.
Ers iddi gael ei hethol, mae Sarah wedi cael ei phenodi'n Ysgrifennydd Seneddol Preifat Swyddfa Cymru ac mae’n gweithio'n agos gydag Ysgrifennydd Gwladol Cymru i sicrhau bod buddiannau Wrecsam yn cael eu cynrychioli yn San Steffan.
Fel cyn-filwr ac aelod o'r Pwyllgor Dethol ar Amddiffyn, mae Sarah wedi siarad yn aml o blaid hawliau personél milwrol ac mae wedi galw am roi terfyn ar hawliadau blinderus yn erbyn cyn-filwyr. Yn ogystal, cafodd Sarah ei phenodi'n ddiweddar yn Is-gadeirydd y Grŵp Hollbleidiol Seneddol ar Gyn-filwyr.
Cyn iddi ymglymu wrth wleidyddiaeth, hyfforddodd a gwasanaethodd Sarah fel nyrs yn Ysbyty Wrecsam Maelor, ac yna fel nyrs ardal. Am ei bod yn deall y cyswllt anorfod rhwng iechyd a lles cymdeithasol, aeth Sarah yn ei blaen i hyfforddi fel gweithiwr cymdeithasol gan arbenigo mewn pobl hŷn ac iechyd meddwl.
Oherwydd ei brwdfrydedd dros helpu pobl a gwella'i chymuned, cafodd Sarah ei hysbrydoli i ymglymu wrth fyd gwleidyddiaeth. Ym mis Mai 2017, etholwyd Sarah i'w Chyngor Cymuned lleol ac mae wedi gweithio gydag amrywiol fentrau cymunedol.