Ganwyd a magwyd Robin Millar ym Mangor. Roedd ei dad yn gadeirydd Cangen Bangor o’r hen Gymdeithas Conwy ac mae'n dal i gario'r rhoséd a roddwyd iddo gan Wyn Roberts AS am ei gymorth gyda'r ymgyrch “Win with Wyn!” yn ystod etholiad cyffredinol 1974.
Ar ôl gadael Ysgol Friars, graddiodd Robin mewn peirianneg cyn i waith ei wraig fel nyrs flaenllaw ym myd milfeddygaeth ceffylau eu harwain i fyw yn Suffolk.
Bu’n gweithio yng Nghaergrawnt, Rwsia, yr Iseldiroedd a'r Unol Daleithiau fel peiriannydd a dyn busnes cyn dechrau gweithio ar ddiwygio gofal iechyd a’r sector cyhoeddus, a pholisi cymdeithasol. Mae wedi bod yn Ddirprwy Arweinydd ac yn Aelod o'r Cabinet ar ddau gyngor, wedi sefydlu rhaglen cymorth darllen mewn ysgolion lleol, ac mae'n gyd-sylfaenydd elusen fechan sy'n buddsoddi mewn pobl ifanc. Cafodd ei ddewis yn ymgeisydd Seneddol Ceidwadol dros Aberconwy ym mis Tachwedd 2018.
Mae Robin yn cymryd rhan mewn triathlonau, rhedeg ar hyd llwybrau, ac mae ef a’i wraig yn mwynhau cerdded eu dau gi ac adnewyddu eu tŷ yn Eryri.
Cafodd Robin ei ethol yn Aelod Seneddol dros Aberconwy ar 12 Rhagfyr 2019.